Muralis de Area Barbato

Po biri beni custas fotografias cracainci in pitzus e aici ddas amanniais.

Area Barbato

Antiogu Cotza

2013

Su traballu

Su traballu cun su corpus e cun su ciorbeddu. Sa conca est aici a posta, oberta in pitzus e no acabada, ca su traballu de studiai, po sciri e po cumprendi, no acabat mai.

Area Barbato

Antiogu Cotza

2013

Sa bandera cilena

Antiogu at torrau a fai unu murali de Alan Joffrè de su 1974 chi fiat in bia 'e Roma. Su tundu nieddu espressat su mundu malu de sa ditadura, sa bandera est scorriada, ca funt apertighendi sa sotziedadi, e sa columba a colori de aràngiu chi incarrerat a su soli espressat su speru po unu mundu de paxi e de giustesa.

Area Barbato

Antiogu Cotza

2013

Sa maladia e sa vida

Po una picioca maresa chi at tentu chistionis grais de saludi e at dèpiu fai unu traprantu in Milanu. Sa tzitadi manna de sa Lombardia est a manu manca, cumenti fiat in su Mesuevu, e Mara est a manu dereta. Un'àngiulu aguantat sa picioca a terra, cumenti po dda agiudai a sighiri a bivi.

Area Barbato

Antiogu Cotza

2013

Fèmina cun scarteddu de fruta

Su murali est ingunis ca ddoi fiat una butega de fruta e de bidrura.

Area Barbato

Antiogu Cotza

2013

Su pòpulu sardu

Is òminis e sa fèmina funt de una affiche de s'Otuxentus, chi su muralista at aciuntu in prus sa bandera sarda.

Area Barbato

Antiogu Cotza

2013

Stòria de Sardìnnia

Su murali est longu cun duas partis, a manu manca ddoi est sa parti de stòria e a manu dereta sa parti de bideas po su chi at a podi essi in su benidori.