Bia 'e Roma est su nòmini chi a intru de sa bidda pigat sa SS 197, chi dda truessat totu, de parti a parti. Muralis medas funt in custa bia, po ddus biri sa genti passendi a màchina andendi a atrus logus, sendi ca est sa bia de Barùmini, de sa Giara Manna e de sa Brabaxa. A dolu mannu, su de essi una bia aici de importu mannu, segundu s'ora no agiudat meda a si gosai is muralis, ca passant màchinas tropus e lestras puru. Po cussu si consillaus de si ddus castiai a mengianeddu chitzi in s'istadi o a meigama in is atras partis de s'annu.
Po biri beni custas fotografias cracainci in pitzus e aici ddas amanniais.
Donai atentzioni ca is nùmurus tzìvigus no sempri s'agatant in su logu, ma comuncas pighendiddus a su mancu po arreferimentu is muralis ge ddus agatais.
Bia 'e Roma n. 1
Antoni Sanna
1999
Su mori de Mùrgia
Su frùmini cun sa naturalesa sana e is fèminas chi andant a sciacuai is pannus in s'umbra de is linnabrus. A sa metadi de is annus de Sessanta ant cumentzau a segai is matas e a cambiai su caminu de s'arriu e a ddu tupai.
Bia 'e Roma n. 40
Antiogu Cotza
2000 (torrau a passai in su 2016)
Is Fenìcius arribendi in Sardìnnia
Dd'at pentzau su meri de sa domu, ca fiat speddiau de stòria. In sa parti a su costau su murali sighit, cun su mari e sa Sardìnnia, cun d-una mitza chi ghetat àcua de sa tancadura de unu contadori e totu. In celu bolant criaduras imbentadas.
Bia 'e Roma n. 42
Antiogu Cotza
1978
Sonadori de launeddas
Su sonadori, mancai sardu, portat cara de òmini de s'Amèrica 'e Giossu, po assimbillai a sa coberta de unu de is primus discus de is Inti Illimani, chi ddoi fiat unu sonadori de sulitu, e po sinnali de amigàntzia cun is cilenus chi biviant in Mara.
Bia 'e Roma n. 48
Sìrbia Cara
2017
Contras a sa violèntzia a is fèminas
Sa mela est unu sìmbulu femininu e su gorteddu unu sìmbulu de violèntzia. S'arrosa e si pillonis tropicalis su sìmbulu de sa bellezza de sa naturalesa e de sa paxi.
Bia 'e Roma n. 64
Fernandu Marrocu (de Santu 'Aìngiu)
1998
Arceri nuraxesu
Fernandu est speddiau de archiologia e de traballu est ceramista, fait custas scenas in sa terra-cota puru.
Bia 'e Roma n. 66
Antiogu Cotza
1998
Sa Sartìllia
In fundus ddoi funt is colunnas de Tarros e in primu pranu la dea-mama, feria e perdendi sànguni ca su pòpulu sardu at scarèsciu, chi no traixu, sa curtura sua.
Bia 'e Roma n. 80
Otàviu Muscas
2015
Mirada de Mara (Villamar)
Est in d-una serranda e dd'ant fatu ca dd'at domandau su butegheri de ingunis, po fai bella sa butega sua e cumenti donu a sa bidda.
Bia 'e Roma n. 86
Antiogu Cotza
1976 (torrau a fai in su 2002)
Contras a is tzerachias militaris
A su cumentzu fiat in d-un'atru muru de un'atra domu ma is meris, candu ant torrau a fai custa domu, dd'ant tupau cun tinta noa. Custu ca in Mara, diferentementi de atras biddas cumenti Orgòsolu e Santu Sperau, is arrègulas de lei no amparant is muralis. Duncas Antiogu dd'at torrau a fai nou innoi.
Bia 'e Roma n. 88
Alessandra Porcedda e Alèssia Porru
2000
Fèmina spraxendi arroba
Bia 'e Roma n. 137
Alan Jofrè e Uriel Parvecs
1974
Innu a su Cili
Su primu murali chi ant fatu is cilenus in Mara, ddoi est sa genti cilena e sa bandera, ma a dolu mannu si ndi bit pagu, ca po una parti manna ddu tupant sa mola de froris e una funtana chi ant fatu agoa.
Bia 'e Roma n. 143
Gruppo Artistico di Serramanna
1976
Su colonialismu industriali e militari de Sardìnnia
Custu murali fait a biri cumenti sa genti sarda intrat in is fàbricas de su pedrollu e de sa chìmica e ndi bessit sbisuriada. S'intruxu est sìmbulu de su colonialismu, aici cumenti su palu po si acapiai, cun is coloris de sa bandera italiana, e sa bandera de is Stadus Unius. Imoi su Gruppo Artistico di Serramanna no s'agatat prus.
Bia 'e Roma
Conciatori (Pauli - Monserrato)
2002
Sa Sardìnnia e is manus
Sa Sardìnnia est bessendi unu disisperu po crupa de su fogu e is manus no arrennescint a dda difendi.
Bia 'e Roma n. 126
Antiogu Cotza
1978
Mortus in su traballu e mortus po su pòpulu
Si ndi bit pagu e nudda ma ancoras fait a connosci a manu manca unu indianu de Amèrica, cumenti sìmbulu de is pòpulus chi su capitalismu at spèdriu, e a manu dereta sa Stàtua de sa Libertadi, cumenti sìmbulu de su capitalismu e totu. In mesu is traballadoris mortus, chi imoi no fait a ddus connosci prus ma ddoi fiant Sacco e Vanzetti puru.
Bia 'e Roma n. 134
Gruppo "Arte e Ambiente"
1978
Solidaridadi
Sa genti de is pòpulus sardu e cilenu s'atòbiat a pari e fait a cuncàmbia cun is banderas insoru. Est unu murali mannu meda, in muru de brochetus, chi po cussu fut stètiu prus traballosu a ddu fai e imoi si bit pagu e iat a bolli torrau a passai.
Bia 'e Roma n. 136
Antiogu Cotza
1978
Su ferreri
Sa faci de s'òmini a mustatzus est de tziu Dèliu Ortu, chi biviat inguni e totu ma no fiat ferreri. In su murali si bint beni sa farci e su marteddu, cumenti sìmbulus chi podint torrai a un'ideali de sotziedadi.
Bia 'e Roma n. 150
Alan Joffrè
19?? (torrau a passai in 20??)
Loba cilena
Bia 'e Roma n. 152
????
19??
???????
Bia 'e Roma n. 204
????
20??
Speru de torrai
Su disterrau càstiat sa nai in su mari sperendi de podi torrai in Sardìnnia.
Bia 'e Roma n. 206
Antiogu Cotza
19??
Contras a sa prepotèntzia
Una chimera espressat su poderi, aici cumenti sa piràmidi chi espressat sa sotziedadi pratzia in crassis. In mesu ddoi est sa scachiera chi est sa vida e a s'atra parti sa giustìtzia, pintada segundu sa manera de is affiche de su Sessantotu frantzesu.
Bia 'e Roma n. 218
Antiogu Cotza
19??
Ominis e fèminas sardas
Fait a connosci Antoni Gramsci, Emìliu Lussu e Giomaria Angioy, is tres de sa filera arta. Is atrus funt òminis e fèminas, de totu is edadis, chi espressant su pòpulu sardu.
Bia 'e Roma n. 218 (a contoni)
autori???
annu???
Sa torrada
Sa nai de is disterraus torrendi in Sardìnnia, est a nai su monti cun sa dea-mama in su cùcuru.
Bia 'e Roma n. 233
autori???
annu???
Contras a su fogu
Po difendi su sartu e su monti.
Bia 'e Roma n. 230
Antoni Sanna
1992 (torrau a passai in su 2002)
Ella giocava per le dipinte aiuole
Sa colunna truncada espressat sa morti de unu piciocu chi iant stubau e mortu in cussu puntu de sa 'ia. Su piciocu sètziu est acanta de disterrai e a su contras su pipiu gioghendi espressat su speru po una vida mellus, longa e chena de depi disterrai.
Bia 'e Roma n. 236
Antiogu Cotza
Annu???
Sa famìllia
Sa meri de sa domu at bòfiu muralis de argumentu cristianu e intzandus ddoi est a manu manca una famìllia sarda e a dereta sa famìllia de Gesugristu. A suta unu particulari de su tundu de sa famìllia sagra. A palas de su contoni ddoi est Gesugristu in sa gruxi.
Bia 'e Roma n. 234
Rino Pitzalis
annu ???
Sa vida in su tempus passau
Sa fèmina est cerrendi e is puddas papendi su trigu. Is atrus muralis funt atras scenas de sa vida de sa bidda in su tempus passau.
Bia 'e Roma n. 238
Manu Invisible
annu??
Artistas sardus
Funt Gràtzias Deledda, Andria Parodi, Antoneddu Salis (maresu), Pinùciu Sciola.
Bia 'e Roma n. 242
Antoni Sanna e Gianluca Lai (Casteddu)
2010
Sa funtana
Fait a biri una funtana de Mara chi ddoi andànt totus. Fiat unu logu de si pinnigai is giòvunus puru po nci passai s'ora, chi inguni sa genti chistionàt, certàt e s'apaxiàt e a bortas certendi si scudiant màrigas puru.
Bia 'e Roma n. 260
Angelo Pilloni e Archimede Scarpa
2008
Loba de bècius maresus e muru de grafitus
Bia 'e Roma n. 260
Angelo Pilloni e Archimede Scarpa
2008
Archimede fadendi grafitus
Angiulu at pintau a Archimede e totu fadendi is grafitus suus
Bia 'e Roma n. 289
Antoni Sanna e Gianluca Lai (Casteddu)
2009
Su càuli 'e frori
Mara fiat famada po is ortus e su prus po su càuli 'e frori e prus de dexi carrus a burricu andànt a ddu bendi in is biddas acanta. A manu manca, chi bieis mellus in sa fotografia de asuta, ddoi est su contu de su cauli 'e frori de Mara.